Hallo!

Vanmorge zien we um half 6 opgestaon um de zonsopkomst te zeen. Dae waas erg moei!
Daornao hebbe we nog efkes lekker gezwomme en gerelaxed, um os ten slotte veur de letste kier in deze moeie boetedouche te douche. Nao ut ontbijt woort ozze bagage opgehaold, en de tuktuk veurgereeje. Ut is helaas tied um dit paradijsje te verlaote.

We vertrekke namelijk naor ozze letste bestumming aan de oostkust: Trincomalee. We reeje weer ein moeie route langs de kust, waorbeej we de nudige koeie en geite meuste ontwijke. In de middaag kwame we aan beej de accommodatie, ouk weer aan ut strand. We hebbe efkes aan ut zwumbad gelaege en ein verfrissende duik genaome.

Aan ut ind van de middaag zien we naor Fernando’s Beach Bar gereeje. Ein leuk, hip tentje aan ut strand. We hebbe heej al kiekend naor de minse in de zië genaote van ein lekker kald pilsje. Op ein gegaeve moment zooge we allemaol minse aan de bar staon. De meiste zooge dr Nederlands oet. Verklaoring: ze hadde de EK-wedstrijd Polen-Nederland aanstaon op de tv! We hebbe os nao de 1-0 van Polen maar ens tösse de Nederlanders geschaard en de res van de wedstrijd gekeke, erg gezellig!

Nao nog wat gegaete te hebbe zien we truuk gereeje naor de accommodatie, tied veur bed!

Geschreven door Mayke.geniet