Aafgelaupe waek waas ein erg rustige waek. Gewoen stage, en 's aoves euver ut algemein lekker thoes. Donderdaag waas ut weer de 1e donderdaag van de maond, dus tied veur 1st Thursday!!
Same met 2 andere maedjes bin ik naor ut centrum gegaon, en hebbe we ein aantal kunstgalerieë bezoch. Daornao nog same met wat Italiane lekker wat gegaete en gedronke in ein restaurantje, en daornao weer redelijk op tied naor hoes.

Vriedaag aovend zien we (natuurlijk) weer naor Houtbay Market gegaon. Ut aete heej is zoe lekker!! En veural de toetjes! Daornao hebbe we beej un bar vlakbeej os hoes nog gezellig ein drankje gedaon, en ein potje pool gespeuld.

Gister bin ik met ein aantal minse gaon surfen in Muizenberg. We hebbe un tied truuk via ein alde hoesgenoot emes liere kinne dae surflesse guef, en hae had os aangebode um os taege ein vrindepries surfles te gaeve. Super leuk waas ut!! Maar toch ouk wal lastig. In ut begin vond ik ut bes wal lastig um te veule wannier se dan precies op mos staon, maar nao un paar kier ging ut steeds baeter. Ut is mich bes wal un aantal kier geluk um good te blieve staon! Jeeej!!
's Aoves zien we nog met ein groep naor ein jazzbar/restaurant in un centrum gegaon, 'The Crypt' genaamd. Dit restaurant leet namelijk gelaege in de crypte van ein belangrieke kerk in Kaapstad. Ein hule gave locatie, lekker aete en veural gooije jazzmuziek!!

Vanmorge zien we gaon hiken. Helaas meuste ik en nog 2 andere maedjes op ut letste moment asnog besloete neet mei te gaon, umdet we os neet good veulde. In plaats van de hike hebbe we rustig ein stuk rondum de Tafelberg gewandeld.
Vanmiddaag zien we nog naor ein wienboerderie gegaon, ouk weer erg lekkere wien, un prachtige locatie en vuul gezelligheid :)

Haije, kusjes en vuul leefs!
Mayke

Geschreven door Mayke.geniet