Hallo!!

Vandaag hadde we de ganse daag in Port Elizabeth. We zien vanmorge as ierste naor ein soort museum gegaon. Dit museum bestond as ut ware oet 3 deile: ein aquarium, snake world en ut daadwerkelijke museum. Op ut bord beej de ingang zooge we det dr neet vuul later ein zeehonden show zou beginne, dus zien we iers gaon rondkieke beej ut aquarium. De zeehondenshow waas nogal ein teleurstelling mot ik zegge, in Nederland heb ik baetere shows gezeen.
Daornao zien we ut deil van de slange ingelaupe. Bah det is toch ech niks veur mich huur, die vieze biëste. Ik mot dr niks van hebbe. Net toen we det deil weer oet wilde laupe, waas dr interactie met de slange. Ein van de medewerkers stond boete veur ein soort tribune met ein van de slange. Liko haet um efkes vasgehad, ik had dae behoefte neet zoe....
Vervolges hebbe we nog efkes in ut museum rondgekeke. Dit museum ging euver vanalles en nog wat, de natuur, de zee, de diere, de vrugere bewoeners van Port Elizabeth.... Allemaol wal interessant!

Al met al ware we al op tied klaor nao ut museum. We wiste op det moment neet zoe good wat we meuste gaon doon, dus hebbe we iers efkes euver ut strand gewandeld. Vervolges hebbe we beej ein strandtentje heerlijk gelunch en genaote van ein wijntje. Toen waas de daag eigelijk wal zoe good as veurbeej, en begos ut ouk al waat kalder te were, dus zien we truuk gegaon naor de backpackers.

Haije en tot morge!
Kusjes en vuul leefs,
Mayke

Geschreven door Mayke.geniet