Hallooo!

Vandaag hadde we ein bietje ein relax-daag. We hebbe tot 3 aor lekker rustig aan gedaon. Um 3 aor waorte we opgehaold daor ozze gids Addi, dae os zou begeleiden tiedes ozze woestijneuvernachting vannach!

Vanoet Zagora zien we met ozze auto naor Ouled Driss gereje. Onderwaeg zien we gestop beej ein kleine pottenbakkers-werkplaats, waor ze alles nog ech op de alderwetse manier doon.
Oeteindelijk kwame we aan beej Ouled Driss, waor de dromedarisse al klaor stonde. Kaipo en krege dr eder eintje, Addi en de dromedarisman ginge te voot. Erg apart um op zo'n biës te zitte, maar wal huul leuk! Nao ein diek aor kwame we aan beej os tentenkamp, waor kaipo en ik iers naor de zonsondergang zien gaon kieke. In de tussetied waas dr ouk ein groep Spanjaarden aangekomme beej ut kamp.
We krege ein heerlijk traditioneel Marokkaans diner, en de aovend waord aafgeslaote met ein kampvuur en zang en muziek van de gidsen.

De sterrenhemel is waaaanzinnig!! Ik heb nog noeit zoevuul sterre gezeen! (Pap, ik dink zelfs nog mier as dich toen op dien scootertje haha)

Ein erg biezondere ervaring!!
Noow lekker slaope in ozze tent, want morge motte we dr vruug oet um de zonsopgang te kinne bekieke.

Haije!

Geschreven door Mayke.geniet