Hola!

Vanmorge meuste we um 9 aor beej ut metrostation in El Poblado zien. Heej startte namelijk de Communa 13 tour dae we geboek hebbe veur vandaag. We ginge met de metro (dae heej neet onder de grond geit) ein paar haltes, ein euverstap en nog ein paar haltes waor we weer euverstapte, maar dan op de kabelbaan. Dit is ein waat niejere en modernere,
as dae in Jardín, net ein skilift eigelijk, en deze kier dörfde Jeroen dr ouk gewoen in te stappe.

Baovenaan stapte we oet, en hadde we weer ein prachtig oetzich. Ozze gids vertelde euver de geschiedenis van Colombia en Medellín, euver de drugsoorlog, maar ouk andere burgergoorlogen die hebbe plaatsgevonde. En natuurlijk euver de Communa’s. Medellín is opgedeild in verschillende communa’s, districten eigelijk, waor weer verschillende wieke onder valle.

De stad is umrink daor berge, en vruuger waas de stad allein gelaege in de liëgere gedeiltes. Maar dr kwame steeds mier minse naor Medellín, die zich mier op de heuvels ginge vestige en heej illegaal huus bouwde. De euverheid haet heej jaore niks mei gedaon, en heej neet in geïnvesteerd, en mede daordoor steeg de criminaliteit in deze wieke. De aafgelaupe jaore is steeds mier in deze wieke geïnvesteerd, dmv onderwies, kunst, sport en dus ouk de aanleg van de kabelbaan en roltrappe. Ouk de community in Communa 13 zelf wilt veuroetgang, en dit haet dr veur gezörg det ut van de meist geveurlijke buurt van Medellín noow ein van de meist toeristische plekke is.

Op vuul maore in de wiek waor we gelaupe hebbe met de tour ware moeie graffiti-kunstwerke te zeen. En deze vertelden allemaol de verhaole van de buurt. Zoedet ut wuurd herinnert, en neet mier opniej zal gebeure. Super interessant! Onderwaeg krege we nog ein lekker ieske gemak van vers fruit, lekker! Ech ein kei leuke tour!

De tour zou weer eindige in El Poblado, maar weej zien met de metro ein andere kant oetgegaon, umdet we nog naor ein park woue. Aan de andere kant van de stad weer met ein andere kabelbaan umhoëg, waor we meuste euverstappe. We meuste heej ozze metrokaart opniej oplade, maar de man aan de kassa zei det we dr vuul mier op meuste zette um vaerder umhoëg te kinne. Det vonde we ut neet waerd, dus toen zien we maar weer truuk naor onder gegaon (we dinke achteraaf det waat dae man zei gaar neet klopte, maar good...).
Dan maar naor de botanische tuinen, hadde we bedach. Einmaal daor aangekomme bleke die dich tot urges eind september. Ging lekker!
Dr waas echter beej de botanische tuinen ein soort kinder event met allemaol stentjes, dus daor hebbe we vers fruit gehaold en lekker rondgelaupe.

Ind van de middaag kwame we truuk in os hostel toen ut begos te raegene en flink te onwere. We zooge ut neet zitte um nog naor boete te gaon en ein restaurant te zeuke, dus hebbe we burgers besteld en deze op ozze kamer opgegaete :).

Geschreven door Mayke.geniet