Aankommende zaoterdaag vertrekke Liko en ik veur 12 daag naor Namibië, um daor ein rondreis te make. We hadde alles good gepland: de reis oetgestippeld, alle accommodaties gereserveerd en ein auto gehuurd. ten minste, det dachte we....

Gister kwame we dr achter det we veur ozze auto nog €400,- extra meuste beejbetale, umdet ik ein 'jonge bestuurder' bin. Det vonde we toch wal ein bietje te vuul van ut gooije, dus we meuste op zeuk naor eine nieje auto. Det haet toch nog wal waat stress opgeleverd, want ja, aankommende zaoterdaag vertrekke we al!

Nao op internet gezoch te hebbe, hebbe we toch ein andere auto gevonde. Vandaag meuste we nog ein belangriek telefoontje plege, umdet we ein speciaal document nudig hebbe um de grens met Namibië euver te kinne. In de bevestigingsmail dae we hadde gekrege stond det we det 6 werkdaag van te veure meuste laote weite det we det nudig hadde, maar det waas dus al nimmer meugelijk.

Zuid-Afrikaanse minse aan de telefoon hebbe is soms ech onmeugelijk. Ut Zuid-Afrikaanse accent in ut Engels mak ut allemaol moeilijk verstaonbaar, daorbeej praote ze ontzettend snel en is de verbinding neet altied aeve geweldig. Umdet ik nao ut telefoongesprek neet vuul wiezer waas, zien Liko en ik veur de zekerheid toch maar naor ut kantoer op ut vleegveld gereje.

ALLES IS GEREGELD!

Noow zien we zoe blie, det we maar ein lekkere fles wien hebbe aope getrokke.

Proost en tot de volgende kier!

Leefs Mayke

Geschreven door Mayke.geniet