Hallo!

Vanmorge zien we op tied vertrokke oet Arugam Bay en zien we in ein kleine 4 aor naor Passikuda gereeje. Onderwaeg veel os op det ut heej vuul minder drök is qua verkier, maar dr zien heej huuuul vuul koeie: langs de waeg maar ouk op de waeg! We zooge heej ouk vuul mier hindoeïstische tempels, dus misschien det det al die koeie verklaort?

In Passikuda hebbe we ein luxe resort geboek. Nou, en luxe is ut wal! Ein prachtige infinity pool waorse oetkieks op ut strand, ein moeie lounge en restaurant, en we slaope heej in ein luxe, groete tent met bad en boete douche. We hebbe ein garden suite, in de tuin dus. Ozze privé tuin aan de tent is groeter as ozze tuin thoes, met vuul privacy. Beej ut inchecke krege we ein kokosnoot als welkomstdrankje en ein kald doekje um os mei op te kinne frisse. We krege ein tasje met daorin ein telefoon: heej mei kinne we ozze butler bereike. Dae kinne we gedurende os verblief appe veur vraoge, of as we iets nudig hebbe. Nou, zoeiets hebbe weej allebei nog noeit mei gemak.

Saoves kinse zelfs privé op ut strand dinere, waorbeej ein chef ein bbq bereid. En de kins zelfs op ut strand romantisch film kieke. Det hoof van os neet zoe haha.
Deze luxe pas neet gans beej os, we vinde ut zelfs un bietje ongemekkelijk, maar wal leuk um ens mei te make.

De res van de daag hebbe we eigelijk allein maar aan ut zwumbad gelaege, heerlijk!

Geschreven door Mayke.geniet