Hallo!

Vandaag hadde we nog ein volle daag in Malaga. We zien vanmorge gaon ontbijte beej La Bella Julieta. We hebbe ut adresje via tripadvisor gevonde, en ut kwaam gister in de wandelroute ouk al veurbeej. We hadde ut oetgebreide ontbijt met un o.a. ein croissant, broed met serranoham, zalm, manchego kiës, vers fruit, yoghurt en brownie. Super lekker!

We hebbe vandaag de Alcazaba bezoch, ut Moorse fort in Malaga. Erg interessant, en ein moei gebouw met vuul Arabische invloeden. Ouk de tuinen in ut fort zien huul moei en good onderhalde. Ut is os sws al opgevalle det heej in Malaga euveral vuul greun en bloome zien aangelag!

In de middaag waas de formule 1 race in Monaco, dae wilde we natuurlijk neet misse, dus zien we beej ein sportcafé op ut terras gaon zitte. We hebbe lekker ein paar van de lokale pilsjes oetgeprobeert. Aangezeen de race wat waas oetgesteld hadde we daor alle tied veur :).

‘s aoves hebbe we uiteraard weer lekker gegaete, dit kier beej Meson de Cervantes. Weer ein geslaagde daag!

Geschreven door Mayke.geniet