Vanmorge zien we weer op tied opgestaon, en weer vruug ontbete. Vervolges hebbe we ut kamp verlaote en zien we naor de grens gereje. Iers kwame we natuurlijk aan de Zuid-Afrikaanse kant van de grens. Alles verleep heej soepeltjes en nao ongevier 20 minute koste we weer vaerder. Toen kwame we beej de grens van Namibië. Ut stond allemaol neet dudelijk aangegaeve en we hadde gen idee waor we naortoe meuste. Rechtdoor, dachte weej dus maar. We reje wat minse in uniform veurbeej, die vervolges hevig naor os begoste ge zwaaie en gebare det we truuk meuste, det deeje weej dus natuurlijk.
Toen krege we un preek van ein van de grenscontrole medewerkers euver det we bijna illegaal Namibië in ware gereje en ein stop-bord hadde genegeerd. Weej hebbe mierdere male ozze excuses aangebode en oetgelag det we neet wiste waat de bedoeling waas.
Oetintelijk haet de meneer os neet zoe vrintelijk oetgelag waor we naortoe meuste en waat we meuste doon. Nao beej mierdere balies te zien gewaes en verschillende formuliere te hebbe ingevuld, koste we eindelijk ech Namibië in.

Vandaag waas weer ein lange rit. De snelwaege heej zien nog 'erger' as die in Zuid-Afrika. Wederom waege die in Nederland maximum 80 zoeie zien, maar noow zonder ouk maar erges vluchtstrook, en soms zelfs onzichtbare wegbelijning. De rit is vaerder wal gewoen prima verlaupe.

De oetzichte en landschappe in Namibië zien ech ongeluifelijk. Iddere 10 km is ut landschap totaal anders. Ut eine moment riedse door grieze berge zonder ouk maar ein plantje te zeen, nog gen minuut later is ut ein al greun um dich heer, dan riedse door roed/oranje zanderig gebied, en vervolges door ein woestijn. Namibië is dink ik wal ut moeiste land wat natuur betref waor ik oeit bin gewaes.
De kins heej gewoen 100 km rieje en gen hoes, gebouw of wat dan ouk taege komme. Ut enige waatse zuus is de natuur, met waat elektriciteitspaole en waat hekke um sommige stukke aaf te scherme van de 'snelwaeg'. Ouk de enorme rust is heerlijk. Ik dink det we vandaag op de snelwaeg hoegoet tusse de 30-50 auto's/vrachwages zien taege gekomme. Iets waat in Nederland zelfs op ein rustige 80 waeg onmeugelijk is!!

We zien noow aangekomme in Luderitz, beej ozze backpackers. Neet zoe moei as the Growcery, maar alles zuut dr prima oet. Veurdet we heej in Luderitz aankwame wilde we eigelik stoppe beej Kolmanskop, ein spookstadje vlakbeej. Dit waas helaas al geslaote, dus ut plan is noow um daor morgevruug um 8 aor heer te gaon.
Morge wuurt weer eine lange daag, met vuul in de auto zitte, maar ik heb dr noow al zin in!

Haije en tot morge!
Leefs en kusjes,
Mayke

Geschreven door Mayke.geniet