Hallo!

Nao de lange vluch naor China zien we dus doorgevlogen naor Hanoi. Gelukkig maar ein korte vluch van ongevier anderhalf aor. Tijdens de landing koste we door de raempkes al ein ierste indruk kriege van Vietnam: ontzettend moei en bewolkt. Op ut vleegveld in Hanoi hebbe we de res van de groep getroffe. Beej de douane deurde ut allemaol wat langer as verwach, umdet dr beej ein paar minse iets waas mis gegaon met ut visum.

We woorte door ein busje met gids opgehaold en beej os hostel aafgezatte. De kamers ware nog neet gereed, dus det goof os de kans um te gaon lunche. De gids brach os naor ein klein maar druk 'restaurantje' waor we heerlijke pho hebbe gegaete (beef and noodle soep).
Toen weer truuk naor ut hostel waor we ozze spulle koste opberge en ef ein momentje van rust koste neme. Al snel meuste we naor de bar want daor stond ein welkomstdrankje op os te wachte en hebbe we ut reisschema met zn alle doorgenaome.

Op ut ind van de daag zien we nog efkes Hanoi ingegaon. Hanoi is neet per se huul erg moei, we hebbe nog neet huul vuul gezeen, maar ut is allemaol redelijk onderkomme. Maar ut haet zeker karakter! Euveral zuuse minse aete, kaoke en rondlaupe. Qua drukte veel ut mich nog mei, maar dr rieje ontzettend vuul scooters en motortjes.

Vlak beej os hostel leet ein meer, en daor ware verschillende minse aan ut voet-badmintonne. Det meuste weej natuurlijk ouk ens oetprobere met de groep! Maar det waas toch nog lastiger as ut leek hahah.
Daornao hadde we keertjes veur ein waterpoppenshow... nouja wat zal ik daor ens euver zegge. Leuk um ens gezeen te hebbe, maar ik had moeite um mien auge aope te halde.

Saoves hebbe we nog lekker met zn alle gegaete, en noow kinne we eindelijk gaon slaope!!

Haije en tot morge!
Vuul leefs,
Mayke

Geschreven door Mayke.geniet