Hallo hallo!

Vandaag zien we aangekomme in Stormsriver, ein klein plaatsje op de Garden Route. De umgaeving heej is weer ech geweldig, en totaal anders as waat we tot noow toe hebbe gezeen.
Helaas waas ut weer vandaag neet zoe good, en waas ut tied um de lange boks ens aan te doon...

Doordet ut zoe kald waas en ouk nog ens raegende, wiste we iers neet zoe good waat we ut beste koste gaon doon. Oeteindelijk hebbe we lekker ein stuk door ut bos gewandeld. De luch heej is heerlijk fris!
Vervolges hebbe we gelunch in ein ontzettend leuk cafeetje. Daornao wilde we nog naor de 'Big Tree'. Dit schient ein of andere groete baum te zien dae net boete ut durpke gelaege is. Volges de backpackers waas de entrance fee maar huul weinig, maar beej aankoms bleek ut toch wat mier te zien as gedach, dus hebbe we os umgedreit en zien we truuk naor ut durp gelaupe.

De daag woort good aafgeslaote middels ein braai beej de backpackers. Same met de andere gasten hebbe we ein spelletje gedaon, en ut waas gewoen ein erg gezellige aovend!

Haije en tot morge!
Kusjes en vuul leefs,
Mayke

Geschreven door Mayke.geniet