Hallo!!

Vanmorge koste we veur ut iers lekker ein bietje oetslaope. Vervolges heerlijk ontbete in ut hotel, en toen woorte we (de dames) um half 11 opgehaold. De hiere ware ein eurke ierder al opgehaold. We ginge naor ein klein winkeltje waor we kleier koste laote make. Det is iets waor Hoi An bekind um steit. Nao lang te hebbe getwiefeld wat idderein wou en in welke stof dan wal, woort idderein opgemaete en woort dr ein teikening gemak van waat dr gemak meus were. We koste gaon. Kom vanaovend maar truuk um ut te passe.

We zien naor ut strand gegaon. Lekker gezwomme, gechilled, geluncht, met ein bal in de weer gewaes en gekaart. Ein heerlijk relaxte middaag. Um 4 aor ginge de bedjes toe. Bietje raar vonde weej, ut waas nog bes lekker weer! Nou ja, gen probleem. Truuk naor ut hotel en toen hebbe we daor nog lekker gezwomme in ut zwumbad.

Daornao waas ut snel douche en klaormake, want ut waas tied um de op maot gemakte kleier te gaon passe. Spannend!! Wat zal dr van gewaore zien? Zelf heb ik ein jumpsuit laote make. Hae zoot erg strak, ik kos bijna gen aodem mier haole toen ik um aanhad. Gen probleem zei ut vrouwtje, det gaon we gewoen efkes aanpassen, same met nog ein paar andere dingskes. Zoe meus dr eigelijk beej idderein nog wal iets gebeure. Morgevruug motte we truuk veur ut eindresultaat!!

Vervolges zien we ut centrum van Hoi An ingelaupe, waor we efkes tied veur oszelf krege. Ik heb met ein paar andere lekker rondgelaupe en beej de winkeltjes gekeke. Ik bin ech un bietje verleef op Hoi An. Ut is heej zoe moei, gezellig en sfeervol!!

Saoves kinse beej de rivier kerskes kaupe um in de rivier te laote drieve. De mos dan ein wins doon. Det vonde we allemaol natuurlijk erg leuk, en we vonde det toch wal iets waat we meuste doon.
We zien daornao gaon aete beej ein Grieks restaurant waor kakkerlakke rondlepe. Det waas wat minder, maar ut aete waas vuul en lekker!!

We zien nog met de meiste van de groep op stap gegaon beej ein bar Tiger. Um 12 aor ging det dich, en koste we veur de afterparty naor de Tiger 2. Det waas ein bietje gek, maar we hebbe ein leuke aovend gehad!!

Haije en tot morge!
Vuul leefs,
Mayke

Geschreven door Mayke.geniet