Hallo!!

Vandaag hebbe we Saigon verlaote en zien we naor de Mekong Delta gereje. Heej stapte we euver van de bus op de boet, en zien we langs ein floating market gevare. De inwoeners heej woene, werke en laeve op ut water in boete.
We vaarde vaerder, en meuste euverstappe op kleinere boetjes die os door de kleinere takjes van de delta brachte.

Vervolges zien we erges oetgestap waor we fruit hebbe gegaete en koste geneete van traditionele muziek. De grond in de Mekong Delta is erg vruchtbaar, dus dr groeit heej vuul exotisch fruit, lekker!

Weer truuk op de boet, en we vaarden door naor de volgende stop: ein plaats waor ze vanalles make van ries. Riespapeer, riessnoepjes, enz. We krege heej de meugelijkheid um ein lokale delicatesse te preuve: snake wine. Vertaald slangenwien. Al dukker gezeen, groete potte met ein broenachtige vloeistof waorin allemaol doeie slange ligge opgerold. Ik heb ut zelf neet gepreuf, ik vind det toch maar ein akelig idee.

We zien doorgevare naor de letste stop, de homestay waor we zulle euvernachte. Zuut dr weer erg leuk oet! We krege ein lekkere en oetgebreide lunch, en zien daornao met de groep nog ein stuk gaon fietse.

Saoves ein lekker diner, en daornao waas ut tied veur de bonte aovend die 2 maedjes hadde georganiseerd. Dr ware 4 groepjes gemak, en idder groepje had ein act veurbereid. Ut waas super grappig en ontzettend gezellig!

Morge is alweer de letste daag...
Haije en tot morge!
Vuul leefs,
Mayke