Selamat siang!

Vandaag hoofde we ens neet zoe vruug op, want we hadde ein waat röstiger programma vandaag.
Nao ut ontbijt zien we naor ut centrum van Yogyakarta gegaon en hebbe we ut sultanspaleis Kraton en ut waterpaleis Taman Sari bezoch. Ut veel os ierlijk gezag ein bietje taege; euveral luuse det dit ech hoëgtepunte van Yogya zien, en detse ze dus zeker mos bezeuke, maar weej hadde dr mier van verwach.

Vervolges hebbe we de Jalan Malioboro aafgelaupe. Ein lange, drukke straot vol met aettentjes en souvenirkraampjes waor ze euveral ongevier utzelfde verkaupe. Ouk vandaag is ut weer good heit, dus we ware nao ein diek aor blie det we ut busje weer in koste. De chauffeur brach os naor Kota Gede, ein plaatsje waat bekind steit um de zilversmederijen. Heej hebbe we geluncht en kort efkes rond gelaupe.

‘S middaags hebbe we lekker gerelaxed en aan ut zwumbad gelaege. In de aovend zien we naor de Jalan Prawirotaman gegaon. Dit is ein hule gezellige straot met vuul guesthouses en restaurantjes. We hebbe heej huul lekker gegaete beej Viavia, ein alternatief, hip restaurantje waor wal vuul toeristen komme. Viavia is ein restaurant, hotelletje en ze hebbe ouk nog ein eige bekkerie!

Haije en tot morge!

Geschreven door Mayke.geniet