Hallo!

Vanmorge hebbe we Bukit Lawang verlaote en zien we op waeg gegaon richting ut Tobameer. Ein lange rit, want we zien in totaal ruum 10 aor onderwaeg gewaes. De route van vandaag brach os wederom langs groete palmolieplantages, maar dit kier ouk rubberplantages waor we ef zien oetgestap um naor te kieke. Toch grappig det minse dr oeit achter zien gekomme det se det oet ein baum kins kriege.
Onderwaeg zien we ouk nog gestop beej ein lokale mert. Allemaol kraampjes met groente, fruit, vis, etc. Totaal anders as de mert beej os, want zoeas ut heej allemaol geit zou ut in Nederland noeit meuge. Bizar um te zeen det ut heej zoe slech gesteld is met de hygiëne, maar de zuus noow ouk wal in det ut beej os ein bietje doorsleit.
Ouk heej woorte we weer door idderein aangekeke en aangespraoke, en wilde ein paar minse met os op de foto.

Iets veur 5 aor kwame we eindelijk aan in Parapat, van waor oet we met de boet naor ut eiland Samosir zien gevare. Um 7 aor kwame we aan beej de accommodatie. Ut is al vruug duuster heej, dus we koste dr nog neet vuul van zeen, maar ouk deze accommodatie zuut dr huul sfeervol en gezellig oet!

Haijee!

Geschreven door Mayke.geniet