Gooijedaag!

Vandaag waas ein fantastische daag! Vanmorge meuste we vruug op, want um 7 aor ginge we same met ein lokale gids de jungle in. Bukit Lawang leet vlak aan ut Gunung Leuser National Park, wat bekint steit um de orang oetangs.
Nou die hebbe we ouk gezeen! We ware net ut terrein van de lodge aaf en we zooge al ein mooder met baby. De gids had ut nog neet ierder meigemak det ze zoe dicht beej de bewoonde wereld zoote. Net as in Zuid-Afrika tijdens de safari’s is ut ouk noow weer super biezonder um zo’n biëste in eur eige laefumgaeving te zeen.
Al snel bewoge mooder en kind zich deeper de jungle in. Moei um te zeen wie orang oetans zich bewaege. Huul rustig klimme ze van tak naor tak hoeg in de buim.

In totaal hebbe we ein trekking gedaon van ongevier 6 aor. Aaf en toe bes pittig, want we meuste soms flink umhoeg. Ut waas werm en ontzettend benauwd. Onderwaeg hebbe we nog ein gibbon, ein baviaan, Thomaslangoeren, langstaartmakaken, nog mier orang oetans, ein slangetje en bloedzuigers gezeen.
Gister vertelde ein Nederlandse mevrouw os al det heej bloedzuigers zitte, en mam zoot metein ein bietje in de stress. Toen de gids os dr eine leet zeen leek ut allemaol wal mei te valle. Ik had zelf bes wal groete biëstjes verwach, maar dit leke eigelijk mier ein soort kleine wormpjes.

Onderwaeg hebbe we gepauzeerd en lekker fruit gegaete. Op ut einde van de trekking kwame we oet beej de rivier, waor we heerlijk hebbe geluncht. Prachtig um met zo’n oetzich te kinne lunche: de rivier met daorachter de jungle.
Um truuk te komme beej de accommodatie koste we erveur keze um te tuben: met un soort autobanden euver de rivier varen. Dr woorte 4 banden aan elkaar gemak. Op de veurste en achterste kwame gidse um te sture, en op de middelste 2 meuste weej met zien 4e. Ut waas aaf en toe flink sture veur de gidse, want dr ware toch wal ein paar stroomversnellingen met flinke rotse. Al me al waas ut erg leuk (en ouk wal fijn det we neet truuk hoofde te laupe hahah!

Haije en tot morge!

Geschreven door Mayke.geniet