Hallo!

Ein korte blog vandaag.
Vanmorge woorte we um 6 aor opgehaold veur ozze 2e surfles. Ze rade aan um of vruug in de morge, of laat in de middaag te gaon in verband met de wermte en de zon. Smiddaags is ut euver ut algemein bliekbaar drökker, dus dan maar smorges vruug!

Ut waas inderdaad iets röstiger vandaag, en we hadde noow les met zn 2e. Ut tempo loog heejdoor wat hoeger, dus we koste wat mier golve pakke. Ut ging ouk al ein stök baeter vandaag! Minder valle en mier staon.

De res van de daag hebbe we heerlijk op ein bedje aan ut strand gelaege. De golve zien heej bes stevig, dus gezwomme hebbe we oetintelijk neet.

Saoves hebbe we gegaete beej Mama’s, op aanrooje van verschillende minse die we heej gespraoke hebbe. Ein tentje ech gerich op de backpackers, en ut waas dr dan ouk super drök. Ut aete waas prima, maar we veulde os toch neet hielemaol op os plek heej. Nao ut aete zien we dan ouk naor ein ander tentje gegaon waor we nog lekker genaote hebbe van ein pilsje en spelkes hebbe gedaon.

Ein lekker relaxte daag!

Geschreven door Mayke.geniet