Vandaag waas de 1e daag van ozze Namibië-reis. De totale reis, inclusief pauzes, haet ongevier 8 aor gedeurd. Maar zoe lang in de auto zitte waas gen straf vandaag.

Tot noow toe bin ik veural de oetzichte van Kaapstad gewind. Huul erg moei, maar nog wal huul westers. Vandaag had ik veur ut iers ech ut idee det ik in Afrika bin. Geweldige oetzichte met veurnamelijk allein maar natuur. Berg, rotse, ech fantastisch!!

De snelwaeg is wal iets waar ik ef aan meus winne, want ouk det is anders as beej os in Nederland. De kins de snelweag ut beste vergelieke met ein 80-waeg in Nederland. 1-baans waege, gen vangrails, soms ein vluchtstrook maar soms ouk neet, speciale stukke um in te haole van soms maar 500 maeter... en dan mosse dich bedinke det we daor 120 rieje heej! Noow mot ik daor wal beej vertelle det de snelwaege heej huul erg rustig zien, en detse vreej weinig ander verkier taege kumps.

Rond 4 aor zien we aangekomme op ozze 1e bestemming: The Growcery Camp in Vioolsdrift. Dit is ein accommodatie gelaege aan de Orange River. Ech prachtig!!! Ut oetzich is onbeschriefelijk moei.
We slaope heej in ein 'chic shack'. Ein klein hutje gemak van ein metale constructie met daor taege aan ein soort metalen golfplaten, vastgemak met bamboe en touw. Klink huul armzalig, maar ut is bes ein gezellig dink!

Ein van ozze gasthiere haet os rondgeleid euver ut kamp en os geïntroduceerd aan de andere 2 aanwezige personielslede en de 4 honden die ze op ut kamp hebbe rondlaupe.
Nao os te hebbe geïnstaleerd hebbe we lekker ein biertje gedronke aan de bar, lekker geklets met ut personiel en hebbe we heerlijkte aete gekrege.
Noow lekker naor bed, want morge kriege we al um 7 aor os ontbijt, zoedet we op tied kinne vertrekke um te gaon raften!!!

Tot morge!

Leefs en kusjes,
Mayke

Geschreven door Mayke.geniet