Hallooo!!

Vanmorge zien we met de bus vertrokke richting de volgende bestumming: Mui Ne.

Onderwaeg zien we iers gestop beej ein tempel. Ein erg moeie en rustgaevende plek, maar wal vol met toeriste. Det is dan toch ein bietje jaomer. Ozze gids vertelde os det dr in/beej deze tempel ongevier 1000 monnike woene. We zooge dr ouk ein paar laupe.

Weer truuk de bus in. Nog ein stop, beej ein koffieplantage. In deze regio wuurd vuul koffie en thee verbouwd. De oetzichte heej zien ouk weer prachtig!

De letste stop waas veur de lunch. Ein plaats waor we zelf waarschienlijk noeit gestop zoue zien. Ut aete waas matig en ut sanitair vies. Maarja, neet klage! Happy thoughts!
We hebbe tiedes de lunch wal nog flink gelache. Ik zoot naeve ein maedje die eur cola oape makte. Dae begos te spuite dus ze wou met eur krukje naor achter schuve. Det ging neet hielemaol good dus veel ze met krukje en al op de grond. De hads dr beej motte zien! Hahahahah.

Nao de lunch weer de bus in. We kwame aan beej de accommodatie: ein soort hostel waor we in tentjes zulle euvernachte. Ut is erg leuk en gezellig en ut leet aan ut strand. De res van de middaag hebbe we lekker op ut strand gehange en gechilld.

Saoves hebbe we beej ein klein lokaal restaurantje heerlijk gegaete. De gastvrouw makte ut zichzelf erg moeilijk, maar ut aete waas top en super goodkaup. Noow snel de tent in en slaope. Morge motte we vruug op!

Haije en tot morge!
Vuul leefs,
Mayke

Geschreven door Mayke.geniet