Hallo hallo!

Vandaag waas ozze 1e daag in ut Krugerpark. We hebbe met os kleine autootje lekker door ut park rondgereje, en zien op zeuk gegaon naor zoevuul meugelijk biëste. De bis tiedes ut rieje de ganse tied bezig met um dich heer kieke of se erges wat zuus bewaege, of detse ein rare vorm zuus tösse de struukskes.
Det diere spotte waas zoe mekkelijk nog neet, want doordet ut de letste tied vuul haet geraegend, is ut park good begreuid, en zien ut graas en de plante erg hoeg. Toch hebbe we vandaag al behuurlijk waat gezeen! Onder andere olifante, zebra’s, buffels, hyena’s, neushoorns en verschillende soorten bokken en impala’s. (3 van de 5 van de Big Five!!)
Ut is toch wal ein hule andere ervaring um zo’n biëste in ut wild te zeen in plaats van gewoen in de dierentuin. Ut is fantastisch um te zeen hoe ze zich in de natuur gedrage, en um zoë dichbeej te kinne komme.

Ein erg leuke daag! Morge hebbe we weer de ganse daag in ut Kruger Park, dus we zulle ens zeen of we dan nog mier biëste kinne aafstrepe van os lieske!

Haije en tot morge!
Kusjes en vuul leefs,
Mayke

Geschreven door Mayke.geniet