Hallo!

Vandaag waas weer eine ontzettend leuke daag.
We zien vanmorge op tied vertrokke richting Muizenberg, ut 'surfstrand' vlakbeej Kaapstad. Heej hebbe pap, mam en ik lekker ein stuk gewandeld, en vervolges koffie gedronke in ein cafeetje. Heej kwame we zelfs nog andere Venlonaere taege!

Daornao zien we doorgereje naor Simons Town, Boulders Beach. Dit steit bekind um de vuule pinguins die dr zitte. Nao flink waat foto's te hebbe gemak zien we doorgereje naor Cape Point. Heej zien we iers umhoeg gelaupe richting de vuurtore, en daornao zien we met de auto naor Kaap de Goede Hoop gereje.

De truukwaeg reje we via Chapmans Peak Drive, ein prachtige route langs de kust in de richting van Houtbay. Ut waas vriedaag, dus in de aovend meuste we natuurlijk ouk efkes naor Houtbay Market. De muziek waas deze aovend erg good, dus pap en mam hadde geluk!!

We zien daornao nog doorgereje naor Signal Hill. Vanaaf heej hesse in ut donker ein prachtig oetzich euver Kaapstad. Daornao naor hoes en naor bed, want morge weer op tied op!

Haije en vuul leefs,
Mayke

Geschreven door Mayke.geniet