Hallooo!

Vandaag waas de letste daag van ozze rondreis. We zien vanmorge vanoet Oudtshoorn via de Route 62 naor Stellenbosch gereje. Ein prachtiger route door ut binneland van Zuid-Afrika!! De umgaeving deej mich ein bietje dinke aan Namibië, zoe moei!!
Onderwaeg zien we gestop (op advies van pap en mam) beej Ronnie's Sexshop. Maak och gen zurg, ut waas gewoen ein café waor we lekker hebbe ontbete en koffie gedronke. Euveral stond op de moore geschreve. Mam had ouk erges iets geschreve, maar ik kos ut jaomer genog neet vinde.

We hadde vandaag ouk metein door kinne rieje naor Kaapstad, want det leet maar ein eurke van Stellenbosch aaf, maar Stellenbosch is dé wienstreek van Zuid-Afrika, dus ut leek os wal leuk um nog ein paar wienboerderieë te bezeuke, en ja... dan kinse baeter nimmer in de auto stappe natuurlijk!

We hebbe vandaag 2 wienboerderieë bezoch, en ouk beej allebei ein wienpreuverie gedaon. Dr zien heej zoe ontzettend vuul wienboerderieë, dus ut waas moeilijk keeze! We hebbe good gekaoze, want de wiene waare heerlijk!!!

Ut waas ein erg gooije aafsloeting van ozze reis! Morge rieje we weer naor Kaapstad, en dan is de reis toch ech veurbeej...

Haije!
Kusjes en vuul leefs,
Mayke

Geschreven door Mayke.geniet