Hallo hallo,

Vandaag is ut dan zoe wied. We gaon Vietnam verlaote. Ut einde van ein prachtige reis.

Vanmorge veur de letste kier de backpack ingepak. We zien met de groep nog erges koffie gaon drinke.
Net as op de heerwaeg zien dr ouk noow weer 2 groepe met verschillende vluchte. Mien groep woort as 1e opgahaold. Toch wal huul gek um dan inens van de helf al aafscheid te motte neme.
We hebbe gewoen zonne leuke groep! Ut is eigelijk huul raar hoe snel se dich hechs aan minse, hoe snel se elkaar liers kinne en hoe leuk se ut 3 waeke lang hes met minse die se iers neet ens kos.

Met de taxi woorte we naor ut vleegveld gebrach. Inchecke, door de controles en maar wachte. We hebbe weer ein euverstap in China. Helaas ouk nog eintje in Paries.
Gelukkig heb ik deze kier wal al kinne slaope tiedes de lange vluch.
Nog efkes en we zien weer in Amsterdam!

Haije en tot morge!
Vuul leefs,
Mayke