Don't be lazy, just be crazy!

Met det motto zien we vandaag opgestaon en zien we gaon canyoningen. We woorte opgehaold door busjes en naor de plaats gebrach waor heej vuul wuurd gedaon. Wetsuits aan, helmpje op en nog ein zwumvest. Klaor um te gaon! Iers meuste we liere abseilen, det woort gedaon beej ein wand van ein maeter of 6. Veur mich de 1e kier. In ut begin is ut ein raar geveul, maar de 2e kier ging ut al prima. Nao ut oefene ein groepsfoto en toen ech op paad.

We begoste met ein abseil van 18 maeter. Toch wal efkes wat anders as det oefene, want dit waas natuurlijk neet zo'n moeie fijne gladde wand. Spannend maar good gegaon!

Ouk door ut water heer. Lekker, naate wandelschoon! De volgende abseil waas ietskes lieger, un maeter of 14. Ouk weer spannend, maar ouk weer euverlaef!

Weer ein flink stuk laupe en hike door ut water en euver de rotse. Toen kwame we oet beej ein cliff jump, van ein rots aafspringe dus. We koste keeze: 11 maeter, 7 maeter of gewoen laupend umlieg. Nao ein paar spronge gezeen te hebbe besloot ik veur de 11 maeter te gaon. Don't be lazy, just be crazy!
Ik waas as letste van de groep um van de 11 maeter te springe.
3, 2, 1.....
Aanlaup, en maar zoever meugelijk naor veur springe! Haope det ik neet op de rotse val, erm langs mien lichaam en PLONS! Jaaaa gelukt!!! Wat ein kick! Oetintelijk is dr 1 emes van de 7 maeter gespronge, en 2 hebbe neet gespronge.

As letste kwame we beej ein abseil beej ein waterval. Ut 1e stukske meuse gewoen rustig umlieg abseile wie we det hadde gelierd. Daornao leep de wand schuun de rots in, dus meuse dich gewoen laote hange en dich rustig umlieg laote zakke terwiel dr ein waterval euver dich heer veel. Totaal gedesoriënteerd kwaam ik onder. Maarja, toch maar weer gedaon!!

Vervolges weer ein stuk gelaupe en efkes gestop veur ein lekkere lunch. Truuk laupe naor ut busje en truuk naor ut hostel. Waor we saoves lekker met de groep hebbe genaote van ein BBQ. Super gezellig!
Umdet Lotte deze week jeurig is, en ein ander maedje ut ind van deze maond, hadde ze vanoet ut hostel ein taart veur eur gemak. Super leuk!!

Daornao zien we met zn alle naor de 100 roof bar gewaes, ouk wal bekind as the maze bar. Euveral gangetjes en trappetjes, ech ein soort doolhof, hartstikke leuk!! Um 12 aor ging det toe, en zien we met ein deil van de groep nog naor de 'afterparty' gegaon. Met nog wat andere minse hebbe we os in ein busje geprop en woorte we aafgezatte beej ein soort hotel. Ut waas ein hule rare tent, iets waor ik zelf noeit naor binne zou zien gegaon, maar ut waas weer leuk met de groep!

Truuk naor ut hostel. Shit ut raegende. Dan maar ein taxi. We hebbe os met zn 10e in ein taxi geprop. Krap!

Haije en tot morge!
Vuul leefs,
Mayke

Geschreven door Mayke.geniet