Hallo hallo!

Vanmorge zien we um half 4 opgestaon, want um kwart euver 4 meuste we os verzamele veur ozze sunrise gamedrive.
Same met nog ein andere man woorte we door ozze gids opgehaold in ein soort groete jeep. Liko en de man krege ein spotlight, zoedet ze in ut donker naor de ziekante van de waeg koste schiene, um zoe biëste te kinne spotte. Biëste probere te spotte in ut duuster is toch wal waat anders as euverdaag in ut leech. De mos vuul baeter kieke. Ozze gids vertelde det we good meuste kieke of we auge koste zeen in ut duuster: roed en geel ware de vleis-aeters, en greune auge ware mier de plante-aeters.

Ut 1e waat we taege kwame ware giraffen, die midde euver de waeg lepe. Die koste we in elk geval noow aafstrepe!
Onderwaeg hebbe we ouk nog vuul hyena’s gezeen, met ein paar jonge! Waat zien die schattig zeg! In ut ech zeen ze dr vuul leuker oet as ik had gedach hahah (de Lion King van Disney haet de hyena’s wal erg lelijk gemak haha).

Op ein gegaeve moment krege we te hure det dr vlakbeej lieuwe ware gespot. Met ein behuurlijke vaart is ozze gids naor de plaats gereje, en jao huur, dr looge 2 mannetjes lieuwe pal langs de waeg!!! Waat ein geluk! 

Um 8 aor ware we weer truuk beej os euvernachtingskamp. We hebbe de auto gepak en zien vaerder gereje naor ut kamp waor we vannach zulle slaope. Onderwaeg hebbe we auk weer verschillende biëste gezeen, waoronder zelfs ein krokodil!!

Det waas ut veur vandaag!
Haije en tot morge!
Kusjes en vuul leefs,
Mayke

Geschreven door Mayke.geniet