Hallo!

Vanmorge hebbe we in Granada nog ontbete en vervolges hebbe we de stad verlaote. Op naor Cordoba! Waat ein fantastische route! Wannier se de stad oet rieds kumpse terech tusse oliefbuim. Zoever asse kins kieke, bijna de ganse route! Onderwaeg zien we gestop in Baena, waor we met oetzich op de oliefbuim lekker wat hebbe gedronke. Vervolges weer de auto in, en door gereeje naor Cordoba.

Heej hadde we veur ein parkeergarage aafgespraoke met Miguel, de eigenaer van ut appartement waor we verblieve. Ut waas gen openbare parkeergarage, dus hae zou komme met de sleutel. Miguel spraek gen woord Engels, en weej oeteraard ouk neet ech Spaans. Gelökkig kwame we dr met hand en veut (en vuul muy bien) good oet met zn alle :).
Hae aopende veur os de poort van de parkeergarage. Wauw! Det leep wal erg steil naor onder! En ouk in de parkeergarage waas alles ontzéttend smaal! Gelökkig haet Jeroen de auto zonder schade veilig kinne parkiere.
Vervolges zien we naor ut appartement gelaupe met Miguel. Wat ein leuke, vrolijke en vrintelijke man! Hae haet os wat belangrieke bezeenswaardigheden op de kaart laote zeen, en ein adresje um te aete gegaeve.

We hebbe de middaag lekker in de kleine straotjes van de Joodse wiek van Cordoba gelaupe. Ouk heej is ut weer good werm, dus hebbe we op ein terrasje ein lekker kalde cerveza gedronke.

‘S aoves hebbe we lekker gegaete in ein steak restaurant. Daornao hebbe we op ut daakterras van ut appartement spelkes gedaon. Vanaaf ut daakterras hebbe we ein super moei oetzich op de Mezquita van Cordoba. Dae gaon we morge bezeuke!

Geschreven door Mayke.geniet