Hallo!
Heej weer ein korte update euver de aafgelaupe paar daag.

Gister zien we naor ut vleegveld gegaon, en hebbe we ozze auto gekrege! Gelukkig is ouk gister alles good gegaon, dus de stress is noow ech hielemaol veurbeej.

Vanmorge heb ik veur ut iers in ein auto gereje in Zuid-Afrika. Ut links rieje geit mich bes wal good aaf, maar ut is wal efkes winne detse met dien linkerhand mos schakele in plaats van met dien rechterhand, en det de binnespeegel noow ouk aan dien linkerkant zit in plaats van rechts.
Nao ein waat schokkerig begin (ik meus toch wal winne aan ein andere schakelauto as thoes) ging ut vanmiddaag al ein stuk baeter.

Mien backpack steit al klaor, en ik bin bijna klaor met inpakke. De aet-veurraod is al ingeslage, dus ik mot morge allein nog efkes de letste dingskes pakke en dan kinne we op reis!

Helaas hebbe we neet beej iddere accommodatie WIFI, dus ik zal neet iddere daag mien blog beej kinne halde tijdes ozze reis. Ik heb de app van Pindat gedownload, en daor kin ik ouk offline mien reisblog mei beejhalde zegge ze, dus we zulle gaon ondervinde wie det geit.

Tot in Namibië!

Haije en vuul leefs,
Mayke

Geschreven door Mayke.geniet