Gooijendaag!

Vanmorge zien we gaon snorkele. Eigelijk waas de bedoeling um met ein boët naor ein eiland heej in de buurt te gaon, en daor te gaon snorkele. Gister bleek helaas det we daor te weinig tied veur hebbe, maar de kins heej vlakbeej bliekbaar ouk moei snorkele.
Flippers aan, snorkels op, en hup de zië in. We veulde ut allemaol ein bietje prikke, maar we dachte det det de muggenbulten ware die reageerden op ut zalte water. Maar ut prikke bleef, en waort ouk steeds erger, nimmer fijn! Waat bleek? Dr zoote allemaol kleine kwalletjes in ut water waor we door geprik woorte. Volges mich ware we binne 20 minute alweer truuk beej de snorkelverhuurder um os greij truuk te bringe, want dit waas neet fijn!
Toen we truuk lepe naor os hotel zooge we onderwaeg det minse babyschildpadjes aan ut oetzette ware, det waas erg leuk um te zeen!

Um 12 aor woorte we opgehaold door ozze chauffeur. Via ein prachtige route zien we naor Sidemen gereeje. Onderwaeg zien we as ierste gestop beej ein waterval. Wied laupe naor ut oetzichspunt, maar ut waas moei. Vervolges zien we nog oetgestap beej Danau Batur, ein kratermeer. Prachtig oetzich!
De route waas bergachtig, de waege smaal en ontzettend steil, maar zoe ontzettend moei!! Prachtige riesvelde en oetzichte onderwaeg!
Aan ut ind van de middaag kwame we aan beej ozze accommodatie: Sawah Indah. Waat is ut heej fantastisch zeg! We hebbe oetzich op de riesvelde, de kamers zien groet en in Balinese stiel, erg gezellig! Ouk heej hebbe Sjuulke en ik de badkamer boete, leuk!
Ut zwumbad is prachtig: ein infinitypool met oetzich op de riesvelde, helaas is ut te laat um noow nog te zwumme, morge dan maar!

Ein naodeil: de kamers zien gedeiltelijk aope. Det beteikent det de hagedisse en gekko’s heej gewoen dien kamer op kinne komme. En we hebbe groete gezeen! Van wal 30 cm!!
Gelukkig hange dr wal klamboes baove de bedde, dus in bed komme ze neet!

Weltruste

Geschreven door Mayke.geniet