Gooijendaag!

Vanmorge zien we weer op tied opgestaon, zoedet we um 6 aor de Borobudur koste gaon bezichtige. De Borobudur is de groetste boeddhistische tempel ter wereld, en is ech waanzinnig um te zeen. Asse ut terrein opkumps lupse iers door ein parkje, en opens steit daor ein enorme tempel. De tempel besteit oet verschillende laoge met beelden, reliëfen en stupa’s met daorin boeddha-beelden. We hebbe dr ein flinke tied rondgelaupe en vuul fotoks gemak, want ut is super fotogeniek.

Daornao truuk naor ut hotel waor we rustig hebbe ontbete en os greij weer ingepak. Op naor de volgende 2 kleinere tempels: de Candin Pawon en de Candi Mendut.

Weer ut busje in, op naor de volgende tempel. Dit kier ein bekinde: de hindoeïstische Prambanan. Net als beej de Borobudur kumpse weer iers door ein moei aangelag park veurdetse beej de tempel zelf kump. Ouk deze waas weer prachtig. De Prambanan besteit oet mierdere tempels van verschillende gruutes. Hoe ze dit mier as 1000 jaor geleje hebbe kinne bouwe?! Detzelfde vrooge weej os ouk aal aaf vanmorge beej de Borobudur, want allebei dees tempels zien allebei rond de 9e eeuw gebouwd. Toen hadde ze natuurlijk nog neet de middele die we tegewoordig hebbe...

Nao ouk heej weer ein tied te hebbe rondgekeke weer lekker ut koele busje in, want ut is toch wal werm vandaag! De chauffeur brach os naor os hotel in Yogyakarta, waor we nog efkes lekker aan ut zwumbad hebbe gelaege.

We hebbe s’aoves heerlijk gegaete beej restaurant Canting. Pap had as toetje ein lava-cakeje; volges um ein van de beste toetjes die hae oeit gehad haet!

Haijeeee!

Geschreven door Mayke.geniet