Vanmorge nao ut ontbijt zien we snel vertrokke richting de Fish River Canyon. Iers efkes gauw naor ut tankstation um te tanke, en de veurroet van de auto schoen te laote make. We hebbe ozze auto de naam 'Dusty' gegaeve. In Namibië zien we huul vuul Renault Dusters taege gekomme, en ozze auto kint auk 'stof make' en hae is ontzettend smerig, dus vonde we Dusty wal eine toepasselijke naam.

Vervolges ech op waeg naor de Fish River Canyon. Ut schient det ut kort geleeje in dit gebied flink haet geraegend, dus de C-waeg waor we euverheer meuste waas dr neet al te bes aan toe.
Liko mot ut wal hebbe zeg. Gister bijna 2 ape onder de auto, vandaag bijna ein struisvogel! Zoemaar stook dae de waeg euver, liko weer vol op de rem, en toen begos de struisvogel toch maar te renne. En hard! Die biëste zien van zoe dichtbeej toch wal groet huur!
Nao bijna anderhalf aor en vuul gate in de waeg hebbe we eindelijk ut park bereik. Vanaaf de ingang waas ut nog ens 10 km rieje. Ongeluifelijk maar waor, de waeg heej waas dr hielemaol dramatisch aan toe. Ik dink det ozze gemiddelde snelheid op dit stuk 20-30 km/h is gewaes.
Maar ut waas de rit wal waerd huur!! De Fish River Canyon is de 2st groetse canyon ter wereld. Ech prachtig!
De meiste foto's staon weer op mien camera, maar ik heb dr speciaal veur och ein paar met mien Ipad gemak.
Wie moei alle foto's ouk zien, um ut in ut ech te zeen is zoevuul indrukwekkender! Asse daor umlieg steis te kieke veulse dich inens zoe klein! Ut is ech prachtig!!!

Daornao dae ganse rotwaeg nog truuk, en toen kwame we eindelijk weer op ein B-waeg. Op naor de grens! De grenscontrole ging dit kier ein stuk soepeler, en nao ein half eurke ware we weer truuk in Zuid-Afrika.
We zien aangekomme beej ozze accommodatie in Springbok. Ut leet weer op ein fantastische locatie met ein geweldig oetzich.
Morge komme we weer aan in Kaapstad.

Haije en tot morge!

Kusjes en vuul leefs,
Mayke

Geschreven door Mayke.geniet