Hoi hoi!

Vandaag waas ein daag zonder echte planning. Ouk wal ens lekker nao zo’n drök reisschema. We hebbe “laat” ontbete (half 9) en zien daornao ut centrum van Ubud ingegaon. Ubud haet huul vuul leuke kleine boetiekjes, kunstwinkeltjes, maar ouk vuul toeristische winkels um souvenirs te kaupe.

Vandaag is ein Hindoeïstische feestdaag. Euveral zuuse minse in traditionele kleier met mande met offers. Beej de tempels is ut ein drukte van jewelste met minse die in en oet gaon. Ouk op straot ligge euveral offers.
Boete dae drukte is Ubud op zich al ein erg drök stadje, maar dan drök met toeristen! Neet hielemaol os ding merke we. We woeie gaon pinne, maar toen woort mams pinpas plotseling ingeslik! Lichte paniek, want paps pinpas zien we ierder deze reis al kwietgewaore aan ein pinautomaat. Gelukkig kwaam dr toevallig net emes van de bank aan dae de automaat kos aope make en os de pinpas kos truuk gaeve.
We zien truuk gegaon naor ut hotel um mien pinpas te haole, en iers efkes weer tot rös te komme.
Daornao op niej pinne; dit kier wal geluk! We hebbe lekker geluncht en nog wat door de straotjes van Ubud gelaupe. Beej ein klein koffietentje waor we naeve kwame hadde ze Civetkatten. Heej verkochte ze Luwakkoffie. Luwakkoffie is gemak van koffieboene die iers door ein civetkat waere opgegaete en vervolges oetgepoep. Klink ein bietje raar, maar de zuus ut heej euveral. Det meuste we dus toch maar ens probere! De koffie smakte wal, ouk wal iets anders as 'normale' koffie, maar weej vonde ut nou ouk weer neet super speciaal.
We lepe truuk naor ut hotel, en wae zooge we daor inens?! Familie de Swart! Efkes gauw elkaar beej gepraot en toen hebbe weej beej ut hotel gechilled.

Saoves zien we iers urges waat gaon drinke, en daornao heerlijk gegaete beej Kafe, ein erg leuk restaurant waat we hadde gezeen.

Haije!

Geschreven door Mayke.geniet