Hola!

Vanmorge hebbe we beej de bekkerie dae onder os hostel zit lekker verse croissantjes gehaold, en hebbe we ein Didi (Colombiaanse Uber) gepak naor ut startpunt van de tour van vandaag: ein fietstour. We ware ruum op tied, dus hebbe we ein rundje gelaupe door de wiek en op ein stoepje de croissantjes gegaete. We ware oetintelijk same met 4 andere die deilnome aan dr tour: weej en 2 andere op normale mountainbikes, en 2 andere en de tourguides op un soort gekke kleine elektrische fietsjes (waor se nauwelijks mei hoofs te trappe...).

De tour begos metein pittig met ein flink stök bergop. De waege heej in Medellín zien trouwes hielemaol prima, met op vuul stökke ouk fietspade. Baove aangekomme hadse ein prachtig oetzich euver de stad, en daor krege we ein lekker vers sapje. We vervolgde ozze waeg richting ut centrum, ofwal “downtown”. Man man man waat ein drökte en chaos. Euveral kraompkes, minse, scooters. Ech good oplette heej! We stopte beej Plaza Botero. Heej staon 23 beelde van de Colombiaanse kunstenaer Botero, ter nagedachenis aan de 23 slachtoffers die zien umgekomme beej ein bomaanslaag beej ein van zien andere kunstwerke.
De tour vaerder waas wal oké. We kwame nog langs ein paar gebouwe, ein soort brug waor ein park van is gemak, en verschillende sportfaciliteite. We miste eigelijk allebei veural wat oetleg van de gidsen. Dit is ein stad met zo’n rieke geschiedenis, we hadde daor wal mier informatie euver verwach.

Nao de fietstoch zien we truuk gegaon naor ut hostel waor we op ut daakterras wat hebbe gedronke en aan ut zwumbad hebbe gezaete. ‘S aoves hebbe we gegaete beej ein Argentijns restaurant wat deeper in de wiek Poblado. We kwame langs ut oetgaonsgebied waor we heerlijk minse koste kieke. Sommige Colombianen hebbe biezondere lichame en kledingsstijlen zulle we maar zegge ;).

Geschreven door Mayke.geniet