Hola!

Vanmorge zien we op tied opgestaon, want um half 8 meuste we os aan de andere kant van ut dörp melde veur de mountainbike tour dae we vandaag hebbe gedaon.
Ozze gids Eduardo, ein grappige man, verwelkomde os, en we krege handschoon en ein helm um te passe. Langzaam druppelde ouk de res van de minse die mei ginge binne. In 2 jeeps ginge we op waeg naor La Carbonera, ein groet stök land waat privé eigendom is van ein rieke dame. De waeg waas behuurlijk hobbelig en onderweaeg kwame we allemaol Colombianen taege die de waeg umhoëg aan ut fietse ware, waorop Eduardo steeds reep: Life is too short to cycle uphill guys! Baove aan gekomme krege we de belangriekste regels veur ut downhill mountainbiken van vandaag oetgelag:
1: altied met allebei de remme tegeliek remme
2: de pedalen altief allebei op dezelfde huugte
3: follow the line! Dit letste bleef hae gedurende de ganse rit maar herhalen.

Ut mountainbike ging dus allein maar bergaaf, dus trappe waas neet nudig. Ut waas ech super vet! Flink hobbele en dus wal good oplette. Op ein gegaeve moment stopte we, en ginge we ein stökske wandele. Eduardo vertelde mier euver La Carbonera: ut toeristische en bekinde Valle de Cocora haet ongevier 1000 waxpalmen, terwijl La Carbonera dr milioene haet! De eigenaresse van ut gebied wilt ut echter neet aope stelle veur toeriste, en allein deze mountainbike organisatie meug dr komme. Ech prachtig, met nog moeiere oetzichte as gister en beej ut moeiste oetzich krege we ein lekkere lunch. Daornao weer truuk op de mountainbike en gans umlieg truuk naor Salento (ongevier 23 km) waat ein kick!

‘S middaags hebbe we röstig aan gedaon, en nog ein potje Tejo gespeuld met minse die ouk mei ware mountainbiken. ‘S aoves hebbe we heerlijk gegaete beej ein suuuper klein restaurantje waor ze lekker Aziatische gerechjes serveerden.

Weer ein biezondere daag!

Geschreven door Mayke.geniet