Hallo hallo,

Vandaag waas veur mich neet zo’n gooije daag, want mien boëk is erg van streek. Ik heb dan ouk beslaote um vandaag neet mei te gaon met de daagtrip op Samosir, maar bin beej de lodge gebleve. Daorum hebbe mam en Sjuulke de rest van dit reisverslaag geschreve:

We zien met de chaufeur als iërste naor Ambarita gereeje; dit is ein Batak plaetske waor vruuger de vijanden berecht woorte, langsaam gevild, onthoofd, in stökke gesneeje en same met buffelvleis woort gekaok en met blood woort opgedrônke....Toen zien we doorgereeje nao Simanindo; ein traditioneel bataktoba dörpke. Heej woort ein traditionele dansveurstelling gegeaeve, wao Sjuulke en Mirjam ouk mei gedans hebbe. Daonao zien we nog beej ein plaetske gewaes wao we koste zeen wie ein vrouw ein dook aan ut weeve waas. Euver éin dook deej ze un ganse waek. As letste hebbe we Tomok bezoch en hebbe we un ald graaf van ein van de Raja’s bekeke. Ut waas jaomer genog de ganse daag raegenachtig , dus we hebbe neet vuul qua oetzichte van ut tobameer kinne zeen. Maar morge op de truukwaeg kriege we waarschienlik nog genog oëtzichte op ut meer. Daonao truuk nao ozze lodge um te lunche en te kieke wie ut met Mayke waas.
Vaerder nog wat rondgewandeld beej os verblief en daoanao beej os lodge gegaete en op tied nao bed, want morge motte we um 6.00 aor vertrekke um op tied de boët te pakke.

Haije en tot morge!

Geschreven door Mayke.geniet