Hallo hallo!

Nao ut weekend ging ut helaas efkes neet zoe good met mich. Ik had weer ontzettend vuul las van mien boek, en kos daordoor helaas maondaag ouk neet naor stage. In plaats daorvan bin ik maar ens naor de dokter heej gegaon, want ik had al haos ein waek las van mien oer waat dich zoot.
Noow det waas nog ein huul avontuur:
Iers heb ik diek 50 minutenin de wachkamer gewach (african time neume we det heej), daornao waas ik intelijk aan de beurt. De dokter wilde met zo'n lempke in mien oer kieke, deej ut lempke ut neet. Dan maar andere batterieë dr in, nog niks... vervolges is de dokter weggegaon um nieje batterieë te gaon kaupe, kump ze 5 minute later truuk, duit det dink ut natuurlijk nog steeds neet... dan maar gewoen ein ander lempke en jao huur: dae werkte gelukkig wal!!
Vervolges haet ze (zonder succes) mien oer oetgespaote met ein ouk neet geweldig werkend apparaat. Ze dach ouk nog ens det ik ein infectie had, dus bin ik met pilkes en ein nog steeds dich oer truuk naor hoes gesteurd. Vandaag meus ik truuk komme, en gelukkig is ut probleem noow verholpe en kin ik weer alles hure!!!


Vandaag zien ouk pap en mam aangekomme in kaapstad. Nao eur opgehaold te hebbe beej eur appartement zien we iers gaon lunche in ut centrum. Ut waas wal efkes schrikke um pap te zeen, want dae is tiedes eur rondreis urges flink onderoet gegaon, waordoor zien gezich op dit moment bont en blauw is.
Vervolges heb ik ze ein rondleiding gegaeve door bokaap, de res van ut centrum en waterfront.
We hebbe nog heerlijk oetgegaete beej waterfront en genaote van ech zuid afrikaanse gerechte. Ik heb ze net nog efkes laote zeen waor ik woen. Noow lekker naor bed en morge weer ein lange, drukke en leuke daag!!

Haije, kusjes en vuul leefs,
Mayke

Geschreven door Mayke.geniet