Hallo!

Weer ein korte update euver mien avonturen heej.
Donderdaag aovend bin ik met ein aantal hoesgenoten naor ein bar beej os in de wiek gegaon. Daor is iddere donderdaag ein beerpong-toernooi. Allemaol internationale studenten, dus ontzettend gezellig! Ik en mien partner hebbe de 1e ronde gewonne, maar de 2e ronde helaas op het nippertje verlore.

Gister waas weer gewoen ein normale stagedaag. 's Aoves zien we nog ein drankje gaon drinke, en daornao lekker naor bed.

Vanmorge bin ik same met Liko naor de Old Biscuit Mill gegaon. Det is ein soort mert vlak beej os hoes. Ze hebbe daor vanalles: kleier, sieraden, sjaals, souvenirs, neum maar op. Vaerder is dr ouk un soort foodhall. Maar dan naor mien meining wal waat baeter oetgevoerd as 'Beej Benders'. Euveral staon aetstentjes met de lekkerste dinger: cape malay food, taart, shakes, bruudjes, wraps.... de kins ut zoe gek neet bedinke. De geis lekker dien hapje haole en lups weer naor boete um lekker in de zon te geneete van dien aete, met op de achtergrond live-muziek.

In de middaag zien we naor Constantia gegaon, det is ein deil van Kaapstad met huul vuul wienboerderijen. Ut wienpreuve heej is ech ontzettend goodkaup. Veur 5 wiene (en det zien dan gewoen redelijke glaze) betaalse umgerekend iets mier as 5 euro, en dan mét ein prachtig oetzich op de berg en wienranke. Vandaag krege we daor zelfs nog ein gratis wienglaas beej um mei naor hoes te neme!

Vanaovend is de planning um same met de hoesgenote op stap te gaon, en veur morge steit nog niks vas.

Haije!!
Leefs Mayke

Geschreven door Mayke.geniet