Hallo hallo!

Vandaag hadde we weer de ganse daag in St Lucia.
Vanmorge zien we met de auto op paad gegaon, en hebbe we rondgereje in ut iSimangaliso Wetland Park. Helaas wederum gen luipaard gespot, maar wal zebra's, bavianen, waterbokken en ein wrattenzwijn (Pumba).
Nao ein tiedje rieje kwame we oet beej Cape Vidal, ein prachtig strand. Helaas waas ut vandaag erg bewolk en veel dr zoe noow en dan wat raege, dus hebbe we neet gezwomme of gesnorkeld. Jaomer, want ut water veulde erg lekker aan, vuul baeter as det iëskalde zeewater in Kaapstad!
We hebbe wat euver ut strand gewandeld, krabben proberen te fotograferen en zien vervolges door ut park weer truuk gereje richting de backpackers.

In de middaag hadde we ein boottocht gepland staon euver ut meer. Ozze captain vertelde os det dr maar leefs 800 nijlpaarden en 1000 krokodillen in dit meer zitte. Ze koste os garandere det we nijlpaarden zoue gaon zeen, want deze zien erg territoriaal dus zitte euver ut algemein altied op dezelfde plekke. Krokodillen kos ze neet garanderen, want die hebbe det minder.
Vlak veurdet de boet vertrok hadde we echter al ein krokodil gespot! Vaerder hebbe we tiedes de boottoch huul vuul nijlpaarden gezeen, ouk kleintjes! We hebbe baby's gezeen van slechs ein waek tot ein paar maond alt. Nijlpaarden hebben gen specifieke paartied, dus is dr ouk genne specifieke periode waorin de baby's gebore were zoeas beej de meiste biëste.
Ut schient det nijlpaarden neet kinne zwumme, maar gewoen euver de grond in ut water laupe of renne en det de volwassene 3-5 minute lang onder water kinne blieve!!!
Doordet we ozze boottocht laat op de middaag hadde gepland, hebbe we ouk kinne geneete van ein prachtige zonsondergang.

Haije en tot morge!
Kusjes en vuul leefs,
Mayke

Geschreven door Mayke.geniet