Hallo!!

Vandaag zien we naor Addo Elephants Park gewaes. Dit is ein National Park op ongevier ein half aor rieje van Port Elizabeth. Zoeas de naam al duit vermoede laeve heej vuul olifanten...

En det hebbe we gezeen! We hebbe vandaag vuuul mier olifanten gezeen as in Kruger.
In ut park hebbe ze verschillende 'waterholes' gemak. Ut is ontzettend leuk um te zeen wie die olifanten zich dan gedrage, um te zeen wie ze ut water drinke en ut water euver zichzelf heer goeie. Ouk de kleine olifantjes doon dan vrolijk mei!

Op ein gegaeve moment zooge we ein stukske vaerderop ein olifant same met ein kleintje op de waeg laupe, dus zien we efkes gestop. Ze zien os vervolges op nog gen 3 maeter aafstand gepasseerd. Det waas toch wal efkes spannend, want de hes natuurlijk gen idee wie zo'n groete olifant geit reagere!!

Naeve olifanten hebbe we vandaag ouk ontzettend vuul zebra's, mestkevers en wrattenzwijnen gezeen. Ut leuke aan wrattenzwijnen is wie ze aete: soms gaon ze op de kneen van eur veurpoete zitte, zoedet ze baeter beej ut graas kinne komme! Ouk as ze renne zien wrattenzwijntjes erg grappig, want dan geit eur staartje de luch in! hahaha

Helaas hebbe we vandaag gen lieuwen kinne spotte, en hebbe we ouk ut luipaard wat nog op os lieske stond neet gezeen. Maar det waas neet erg, want we hebbe ein erg leuke daag gehad!

Haije en tot morge!
Kusjes en vuul leefs,
Mayke

Geschreven door Mayke.geniet