Hallo!

Vanmorge zien Liko en ik vertrokke naor Johannesburg. Daor aangekomme op ut vleegveld hebbe we iers gelunch, en vervolges de auto opgehaold.
Ut is ein erg klein autootje, dus ozze 2 backpacks passe maar net in de kofferbak. Vervolges zien naor ozze backpackers gereje. We hebbe noow eine Kia, en daorin zit ut knipperleech aan de andere kant as normaal, dus iddere kier as Liko wilde aafslaon, ginge de roetewissers aan.

Ozze backpackers is erg leuk en ut haet ein huul moei oetzich euver de stad. We hebbe iers gepraot met wat minse in de backpackers, die os wat informatie en tips hebbe gegaeve. Johannesburg is ein onveilige stad, onveiliger as Kaapstad, dus beslote we um ein Uber te bestelle, en neet met ozze eige auto naor ut centrum te gaon.
We hebbe ein free-walking-tour gedaon door Braamfontein, ein deil van Johannesburg. Ozze guide vertelde os det dit ein veilig deil van ut 'centrum' is, en detse heej nog wal met ein tas kins rondlaupe. Dit schient in ut echte centrum neet meugelijk te zien, umdet det toch ech te onveilig is.
De tourguide waas ontzettend leuk, de tour zelf stelde helaas neet zoe vuul veur. Johannesburg is toch wal ein bietje ein teleurstelling vergeleke met Kaapstad.

Nao waat veurige waek is gebeurd, veule we os toch wat minder prettig en minder veilig, dus nao de tour zien we metein truuk gegaon naor de backpackers, waor we net lekker hebbe gegaete.

Haije en tot morge!
Vuul leefs,
Mayke

Geschreven door Mayke.geniet