Hallo!

Vandaag ware Liko en ik van plan um te gaon mountainbiken rondum Stormsriver. Toen we beej de mountainbike verhuur kwame, ontdekte we echter det de mountainbike route maar 22 km waas… Det is toch wal erg kort veur ein ganse daag…

We zien toen truuk gegaon naor de backpackers en hebbe beslaote dae daag te gaon kajakken samen met ein ander Nederlands stel waat we heej hebbe liere kinne.

Ut kajakken waas in ut Tsitsikamma National Park. Weer ein prachtige umgaeving! Helaas waas ut weer vandaag alweer neet zoe good: gries en raegenachtig…
Ut kajakken waas ontzettend leuk, en totaal anders as wie we det tiedes ozze Namibië reis hebbe gedaon. Op de helf van de trip meuste we ozze kajaks verlaote, en meuste we euverstappe op lilo’s. Dit zien ein soort luchtbedde, waormei se door ut water driefs.
Ut kajakken en lilo’en deurde in totaal ongevier 3 aor. Daornao hebbe we nog wat rondgelaupe in ut National Park, maar toen ut begos te raegene zien we toch maar snel truuk gerend naor de auto! En ut raegende hard… de ganse aovend. Zoevuul raege hebbe we in ozze ganse periode Zuid-Afrika nog neet gezeen!

Haije en tot morge!
Kusjes en vuul leefs,
Mayke

Geschreven door Mayke.geniet