Hallo hallo!

Vanmorge hebbe we Johannesburg verlaote, en zien we op waeg gegaon naor Graskop.
Um beej Graskop te komme, hadde we van pap en mam ein routebeschrieving gekrege, want dr waas eine waeg dae we absoluut neet meuste pakke, umdet dae zoe slech waar (pap en mam hadde deze waeg wal genaome...).
De routebeschrieving leidde os langs ein prachtige route!!

In Graskop aangekomme hebbe we iers al ozze spulle weggelag in de backpackers, en vervolges zien we Graskop zelf nog efkes ingegaon. Ut durpke zelf stelt ech niks veur, 3 straote en dan hebse ut eigelijk wal zo'n bietje gehad. Wal waas dr ein huul leuk winkeltje waorin ze zijden producten makte en verkochte. We krege ein ganse rondleiding van ein van de vrouwe met teks en oetleg euver wie ze precies te werk gaon: allemaol handwerk. Erg leuk um gezeen te hebbe!

's Aoves woue we gaon oetaete beej ein restaurantje waat pap en mam os hadde aangerooije. Helaas waas ut volgeboek veur dae aovend. Nou dan maar reservere veur morge dachte weej dus, maar det zoot dr helaas neet in want op donderdaags zien ze geslaote...
Oetintelijk hebbe we nog ein ander Portugees restaurant gevonde, waor we heerlijk (en vuul) hebbe gegaete.

Morge gaon we de Panorama-route rieje. Ik bin erg beniejd!!

Haije en tot morge!
Kusjes en vuul leefs,
Mayke

Geschreven door Mayke.geniet