Hallo!

Vanmorge hebbe we Java verlaote, en zien we met de boët naor Bali gegaon. Ut letste eiland van ozze moeie reis. Bali is weer gans anders as Java en Sumatra. Dr is heej vuul minder verkier. Op Bali zien de meiste minse Hindoe, en det is te merke ouk! Euveral zuuse beelden, tempels en kleine offerplaatsjes met de kleure wit en geel. Op Bali is ut ein aor later as op Java en Sumatra (6 aor later as in Nederland).

Vruug in de middaag kwame we aan in Pemuteran. Heej meuste we aafscheid neme van ozze chauffeur Wahyu.
Ozze accommodatie heej is prachtig! Misschien wal de moeiste tot noow toe. Ut is ein moei aangelag resort met allemaol kleine gezellige huuskes. De badkamer hebbe we boete, bes apart!
We hebbe heerlijk aan ut zwumbad gelaege met oetzich op zië, ech ein vakantiegeveul!
Later op de middaag hebbe we euver ut strand gewandeld, ut waas eb en we koste euveral zee-egels en zeesterre zeen. We hebbe genaote van ein prachtige zonsondergang, en saoves gegaete beej ein erg gezellige Wahrung, waor mam en ik ein verse vis hebbe gegaete (dae we zelf mochte oetkeeze).

Ein heerlijk relaxte daag.
Haije en tot morge!

Geschreven door Mayke.geniet