Zo ozze 2e daag van de Namibië-reis zit dr alweer op. Ik heb ech ein fantastische daag gehad!!

Vanmorge zien we um half 7 opgestaon, want um 7 aor krege we ontbijt. Lekker roerei met gebakken uitjes, tomaat en toast, jammie!!
Daornao reeje we 'in ut bakkie' un stuk truuk langs de rivier, waor ein van de medewerkers os en de boten haet aafgezatte. Um half 9 smorges waas ut al good heit, dus we hebbe os metein good ingesmeerd met zonnebrand.
Vervolges krege we ein korte breefing euver ut raften en veiligheid, en toen koste we ech de rivier op.

De Orange River is ein rustige rivier, dus ut waas neet ech wildwater raften wat we hebbe gedaon, maar det makte os niks oet. Ut landschap en de oetzichte ware geweldig, met aaf en toe ein kleine stroomversnelling. Rond 13 aor hebbe we de boete aan de kant gelag, en haet ozze gids ein heerlijke lunch veur os bereid, terwijl weej de tied hadde um foto's te make, te zwumme en un bietje te chille in de schaduw.

Nao de lunch zien we weer de rivier opgegaon um vaerder te raften. Op un gegaeve moment kwame we oet beej ein rots in ut water waor we vanaaf koste springe, wat we natuurlijk ouk hebbe gedaon.
Rond half 3 ware we weer beej ut kamp en krege we de vraog of we nog vaerder wilde, en det wilde liko en ik wal.
De 'crocs' (de boete waor de iers mei ware) woorte umgeruild veur kajaks (kajakken?). De kajaks zitte wat minder comfortabel, maar zien wal sneller.
We vaarde langs un zandbank, waor un aantal pelikanen zoote, volges de gids waas det in 3 jaor nog neet veurgekomme dus we hadde geluk.
Op un gegaeve moment hebbe we weer erges aangemeerd, hebbe we nog wat rondgelaupe, gezwomme en genaote van ein biertje. Vervolges meuste we nog teruuk peddelen naor ut kamp, taege de stroming in!! Nou det waas toch wal efkes pittig huur!! Ik dink det ik morge ouk wal spierpien heb hahah.

Toen we weer op ut kamp ware hebbe we lekker gedouche en nog wat gechilld totdet ut aovendaete klaor waas: boboti met rijst. Ontzettend lekker! Dae gids van os kint ontzettend lekker kaoke!

Morge gaon we ech de grens euver naor Namibië, en dr steit os veur morge ouk weer ein lange rit veur de boeg.

Ooh jao, ik heb vandaag allein maar foto's gemak met mien camera, dus die kin ik noow neet toe voege... ge hald ze van mich tegood, ik zal dr ein aantal uploaden as we truuk zien van de reis!

Haije en tot morge!
Leefs en kusjes,
Mayke

Geschreven door Mayke.geniet