Hallo!
Beej deze ein update van waat ik deze waek heb gedaon en meigemak:

Zondaag nao ut concertje in ut park zien we naor Blouberg strand gereje, waor we ein prachtige zonsondergang hebbe kinne zeen.
Maondaag waas weer gewoen eine normale stagedaag, waor vaerder neet vuul is gebeurd.
Maondaagaovend waare we oetgenudig daor ein vrind veur ein braai: jammie!! Zien vrinde ware euvergekomme oet Frankriek, en nog ein aantal andere vrinde van heej ware dr ouk beej, al met al huul gezellig!

Vandaag waas bes ein heftige daag op stage. 2 van de bewoeners krege plots op utzelfde moment ein 'seizure' en ein van die twie kreeg vervolges ouk nog ein astma-aanval. Weej hebbe det allemaol gelukkig neet hielemaol meigekrege, want weej ware met andere bewoeners bezig beej ut zwumbad.
Vervolges is ein van de bewoeners plotseling, zonder aanleiding, huul boos op mich gewaore. Det waas wal efkes schrikke, maar gelukkig kwaam dr al gauw ein van de stafleden um de bewoener weer rustig te kriege.

We ware eigelijk oetgenudig door emes van de organisatie waormei we heej zien veur ein braai. Vanmiddaag belde ze echter op um os te vertelle det eur boerderie/hoes in brand stond, dus det ut helaas neet door kin gaon vanaovend. Ik haop det de brand meivelt, ik bin beniejd te hure wie ut is aafgelaupe.

Tiedes mien reis in Namibië heb ik och belaof det ik nog waat foto's op mien blog zou zette, dus beej deze!
Ik heb noow allein ein paar foto's van de Orange River toegevoeg, want de WIFI is heej momenteel dramatisch. De res kump nog!

Haije, vuul leefs,
Mayke

Geschreven door Mayke.geniet