Vandaag zien we vanoet ozze gezellige backpackers in Windhoek vertrokke richting Grunau. De umgaeving rondum Windhoek is vuul greuner as waat we tot noow toe gezeen hebbe. Ouk zuuse langs de waeg euveral groete zandhaupe, iets waat ik noow ech associeer met Namibië. Ut schiene un soort termietenhopen ofzoe te zien, maar det gao ik thoes nog ens opzeuke.

Nao ongevier ein aor onderwaeg te zien zeen we inens iets op de andere waeghelf waat liek op ein groete zwarte plastic töt (gen idee hoe ik ut mot schrieve, ein aafvalzak).
We komme dichterbeej, en ut bliek gen töt (?) te zien, maar 2 speulende ape, liko meus vol op de rem want inens stoke ze ozze waeghelf euver, en hadde we ze bijna op de motorkap ligge. Ut ging maar net good!

We zien rond half 4 in Grunau beej ozze accommodatie aangekomme. Ze hebbe heej 2 ontzettend schattige hundjes, die de hiele tied achter mich aan komme en beej mich komme zitte.

We ware dr al achter det de klink van ozze kamer los zoot, en hadde dit aangegaeve beej de receptie. Toen ik klaor waas met douche waas ik in ozze kamer, en wilde liko gaon haole beej de lounge zoedet hae kos gaon douche. Maar de deur ging nimmer aope!! Daor zoot ik dan... waat bleek noow, de klink waas dr aan de boete kant van de deur oetgevalle, waordaor ik de deur nimmer aope kos make. Gelukkig kwaam liko nao ongevier 10 minute maar ens kieke waor ik bleef, en waas ik weer bevrijd. We hebbe daornao gelukkig ein andere kamer gekrege.

Det waas ut veur vandaag!
Morge gaon we de fish river canyon bezeuke, en daornao rieje we alweer naor Zuid-Afrika.

Haije en tot morge!

Vuul leefs en kusjes,
Mayke

Geschreven door Mayke.geniet