Hola!

Vanmorge hebbe we genaote van ein lekker ontbijt, en daornao röstig aan ozee spulle beej ein gezoch en de backpacks ingepak. We vertrekke vandaag richting Tayrona National Park, wat ein rit van nog gen 3 aor zal zien, dus we hebbe alle tied.

De dame van ut hostel haet gezörg det de Collectivo, ein soort mini-busje, os veur de deur van ut hostel kump ophaole. Det is fijn, want we zooge ut neet zitte um met ozze backpacks in deze hitte naor ut dörp te motte laupe. Ut busje had gen achterbak, dus ozze backpacks woorte vakkundig op ut daak van de wage vas gebonde. En dan maar haope det det good geit...

Ongevier dreej kwarteer later stopte ut busje en meuste we dr bliekbaar oet. Weej hadde gen idee wat dr allemaol precies gezag woort, want ut ging natuurlijk allemaol in ut Spaans. Gelökkig kos ein stel andere toeriste veur os vertale: vanoet heej koste we euverstappe op de bus richting Palomino. Welke bus det dan precies waas wiste we neet, maar ein semi-vriendelijke dame sprong plots op um de bus dae aan de euverkant aankwaam te laote stoppe. En toen waas ut Vamos! Snel de backpacks um en renne naor de euverkant. Ja, dit waas de gooije bus!

Onderwaeg tiedes ut betale koste we duudelijk make det we dr geer oet woue beej ozze de accommodatie waor we zulle verblieve. Op Google Maps toch ouk maar zelf in de gate gehalde of we dr haos ware, maar op ein gegaeve moment gebaarde de man det we dr heej oet meuste, super service!

Natuurlijk leet ouk deze ecolodge weer baovenop ein heuvel, dus ut waas weer traplaupe in de hitte. Baove aangekomme stonde de ventilators good aan, dus ut waas veulde heej iets keuler. We woorte naor ozze kamer gebrach, waor ouk de ventilator en airco aanstonde, heerlijk!

We hebbe lekker gelunch en ‘s middaags lekker aan ut zwumbad gelaege. Efkes beejkomme van al det gezweit :).

Geschreven door Mayke.geniet