Deze waek bin ik ondanks alles gewoen naor stage gegaon. Ut is toch wal fijn um waat aafleiding te hebbe, want allein maar thoes zitte mak mich hielemaol gek.
Ik heb dr ein tied euver naogedach of ik wal of neet naor hoes zou gaon, maar ik heb beslaote um te blieve. Liko en ik vertrekke maondaag op ozze trip, en ik wil mien avontuur in Zuid-Afrika toch probere positief aaf te sloete.

Dit is ouk ozze letste waek op stage, en vandaag waas ozze letste sportdaag, waorbeej ouk patiënte van ut psychiatrisch ziekehoes zoue komme.
In ut begin verleep alles ein bietje chaotisch: sommige bewoeners hadde slechte zin, de patiënte van ut ziekehoes ware te laat, en toen ze kwame, bleek det ze met ein ontzettend groete groep kwame...
Maar gelukkig is alles good gegaon! Ozze bewoeners, en ouk de ziekehoespatiënte hebbe ein ontzettend leuke daag gehad.
In de middaag waas ut aafscheidsfeest. Liko en ik hebbe morge pas ozze letste daag, maar vandaag waas ut de letste daag van de 2 andere stagiaires. We hebbe lekkere cakejes gekrege, en de bewoeners hadde ein spandook veur os gemak.

Al met al waas dit ein ontzettend leuke en gezellige daag!!