Hola!

Vandaag waorte we heerlijk wakker met ut geluud van de struimende rivier en fluitende vogels. We makte de raampjes van ozze kamer oape, en keke prachtig oet euver de greune vallei. Ech waanzinnig!

We mochte un plekje oetzeuke um os ontbijt te nuttige. We koze veur 2 matrasjes die naeve ozze kamer as bankjes fungeerde, en waor se ouk ein super moei oetzich hes. Ut ontbijt wuurd heej iddere morge vers gemak door Eva, de eigenaresse van de ecolodge. En wauw, waat ein ontbijt! Vers gemakte tortilla's met verschillende sauzen, verse greunte en zelfgemakte granola met melk. Uiteraard met ein bakje lokale koffie!

Nao ut ontbijt zien we naor ut stadje gelaupe, waor we röstig hebbe rondgeslenterd door de straötjes. Heej kriegse ech un idee van hoe de locals laeve. Op ut groete plein hebbe we beej un cafeetje koffie gedronke en vervolges beej ein van de kraompkes vers fruit gekoch en opgegaete op ein benkske. Daornao hebbe we beej ein klein winkeltjes bruudjes gekoch en deze ouk onderwaeg opgegaete. Colombiane zien zoe vrintelijk! Ouk al spraeke weej (bijna) gen Spaans, ze doon altied eur bes um dich te helpe.

In de middaag hebbe we in ut hostel gechilld, um 's aoves weer truuk te laupe naor ut dörp um te gaon aete. Ut waas al duuster toen we op waeg ginge, en onderwaeg hebbe we vuurvliegjes gezeen! Hadde we allebei nog noeit gezeen, en ut waas ech super biezonder en moei!!

We hebbe lekker gegaete beej Oleo. Jeroen had steak en ik had gekaoze veur forel. In deze regio wuurd vuul forel gekweek, dus det waas al dökker aangeraoje um ein kier te neme. Allebei de gerechte ware erg lekker. We hadde dr ein fles wien beej besteld, maar Colombia is neet ech ein wien-land, dus hae waas naor ozze smaak ein bietje te zoor. Op waeg truuk hebbe we weer lekker kinne hobbele in de tuktuk.
Ein geslaagde daag!

Geschreven door Mayke.geniet