Hallo!

Vandaag hebbe we ein volle daag in Cordoba. We hebbe vandaag ein rondleiding met ein gids door de Joodse wiek en de Mezquita. We begoste in de Joodse wiek, waor de gids os vertelde euver de geschiedenis van Cordoba. Hoe iers minse met verschillende religies good langs elkaar koste laeve, maar det det veranderde toen emes anders de macht kreeg. We leepe met de groep door de smalle, moeie straotjes. Ouk hebbe we de kleine synagoge bezoch.
Daornao waas ut tied veur de Mezquita. De Mezquita is ein moskee-kathedraal, dae momenteel ouk nog as kathedraal in gebroek is. Door de jaore heer is ut complex mierdere kiere oetgebouwd.
Huul biezonder um te zeen hoe dr eigelijk ein kerk in de moskee is gemak. Ouk wal ein bietje verwarrend um de christelijke en islamitische invloeden zoe door elkaar te zeen. De gids had ech ein groete mierwaarde beej ut bezeuk van de Mezquita vonde weej allebei. Daordoor zuuse toch dinger die dich anders neet ware opgevalle. Zoeas det in ut oorspronkelijke deil zuilen zien gebroek die iers veur andere doeleinden zien gebroek, en die dus neet allemaol aeve lank zien. Of de verhoegde vloer in ein van de aangebouwde stukken.

In de middaag hebbe we zelf nog wat door Cordoba gelaupe. We hebbe ein paar van de moeie patio’s waor Cordoba bekind um steit gezeen, en we zien wat mier naor ut moderne centrum gelaupe.
Vlak beej os appartement zit ein winkeltje met allemaol oliefolie. Heej wilde we ef gaon kieke, maar toen zooge we det dr ein groep binne waas die ein oliefolie-proeverij hadde. We stonde op ut punt um weer naor boete te laupe toen ein van de medewerkers naor os toe kwaam. De mevrouw sprook gen Engels, maar met Google Translate leet ze os weite det we alles koste preuve as we woue. Toen krege we eigelijk huul spontaan ein eige kleine oliefolie preuverie. Super leuk! En ouk wal biezonder det dr toch zoevuul verschille zien!

Saoves hebbe we heerlijk gegaete beej Taberna Gongora. Ein authentiek spaans tapasrestaurantje waor weer veural locals zoote.

Ein geslaagde daag weer!

Geschreven door Mayke.geniet