Hallo allemaol!

Vandaag zien weej aangekomme in Fes. Vanoet Einhoven zien we vanmorge met ut vleegtuug aangekomme op ut vleegveld van Fes, waor we ozze huurauto hebbe opgehaold. Vervolges zien we richting ozze accommodatie veur de kommende 2 nachte gereje. Al gauw kwame we dr achter det deze neet met de auto te bereike waas, dus hebbe we de auto urges geparkeerd en zien we met ozze koffers verder gelaupe. Nao wat gedoe kwame we eindelijk beej palais walid terech. Ut is ein kleine riad, euverdadig versierd en ontzettend leuk. Ozze kamer besteit oet 1 bed met daornaeve ein ieniemienie bietje laupruumte, en op de gang os badkamertje. Prima veur 2 nachte :).

Daornao zien we de medina van Fes ingegaon. Waat ein doolhof!!! Euveral kleine straotjes, waorvan se gen idee hes waor ze oetkomme. En ein drukte! Euveral minse en soeks en katten. Al snel hadde we gen idee mier van waor we ware, zelfs met de kaart dae we mei hadde gekrege. Gelukkig kwame we onderwaeg nog andere Nederlanders taege die os ein bietje koste oetlegge waor we heer meuste. Fes steit vol met moeie poorten, moskeeën (waorse helaas as neet-moslim neet in meugs...), koranschoele en dan hesse nog de bekinde leerlooierijen. We zien beej 1 koranschoel naorbinne gegaon. Ut zien prachtig versierde bouwwerke! De leerlooierijen zien neet, zoeas weej iers dachte, via de grond te zeen. Ze zien ech tusse de huus gelaege, dus gelukkig koste we beej ein winkeltje baovenop ut daakterras kieke.
'S aoved hebbe we heerlijk gegaete beej cafe clock, waor ouk echte Marokkaanse live-muziek waas.
Al met al ein erg leuke daag!!!

Haije!

Geschreven door Mayke.geniet